Qazaqstanda sáýirde qurylys materıaldary men jóndeý jumystarynyń quny ózgerdi
ASTANA. KAZINFORM — Ulttyq statıstıka bıýrosynyń málimetinshe, 2026 jyldyń sáýir aıynda Qazaqstandaǵy qurylys salasynda baǵa ózgeristeri baıqaldy. Naýryz aıymen salystyrǵanda qurylys salasyndaǵy jalpy baǵa ındeksi 100,8%-dy qurady.
Bıýro saıtynda jarııalanǵan málimetke sáıkes, eń joǵary baǵa ósimi qurylys-montaj jumystary salasynda tirkeldi. Bul baǵyttaǵy kórsetkish 100,8%-dy qurady. Al mashınalar men jabdyqtardyń baǵasy sál tómendep, 99,8%-ǵa deıin túsken. Sonymen qatar ózge jumystar men shyǵyndar kólemi 101,1%-ǵa jetken.
Qurylys ónimderi men shıkizat
Qurylys ónimderiniń ishinde plastmassa buıymdarynyń baǵasy aıtarlyqtaı ósken. Bul ónimder boıynsha kórsetkish 108,2%-dy qurady. Sonymen birge tsement pen taýarlyq betonnyń baǵasy da kóterilgen. Atap aıtqanda, tsementtiń kórsetkishi 101,0%-ǵa, al taýarlyq beton 100,3%-ǵa jetken.
Al keıbir qurylys ónimderiniń baǵasy tómendegen. Máselen, boıaý men lak ónimderiniń kórsetkishi 97,1%-dy qurasa, aǵash materıaldary 99,4%-ǵa deıin tómendegen. Sondaı-aq munaı óńdeý ónimderiniń kórsetkishi 99,5%-dy, al beımetall materıaldar 99,7%-dy kórsetken.
Áınek, ák, gıps jáne metall konstrýktsııalarynyń baǵasy ózgerissiz qalyp, kórsetkish 100,0% deńgeıinde saqtalǵan.
Óńirlerdegi kórsetkishter
Óńirler boıynsha qurylys salasyndaǵy ortasha baǵa kórsetkishi 100,8%-dy qurady. Eń joǵary ósim Túrkistan oblysynda tirkelip, kórsetkish 101,1%-ǵa jetken. Al eń tómengi kórsetkish Almaty jáne Qaraǵandy oblystarynda baıqaldy — 100,1%.
Astana, Almaty jáne Shymkent qalalarynda qurylys salasyndaǵy baǵa kórsetkishi 100,8%-dy quraǵan.
Qurylys ónimderiniń baǵasy
Qurylys uıymdary arasynda júrgizilgen iriktemeli zertteý derekterine sáıkes:
- qum — 4 628 teńge/tekshe m;
- qıyrshyq tas — 6 557 teńge/tekshe m;
- bıtým — 182 618 teńge/tonna;
- M400 tsementi — 53 884 teńge/tonna;
- TsEM I 42,5 N tsementi — 45 251 teńge/tonna;
- PF-115 emali — 1 517 013 teńge/tonna;
- M350 betony — 16 488 teńge/tonna;
- tabaq bolat — 380 343 teńge/tonna;
- A-1 armatýrasy — 336 709 teńge/tonna;
- A-III armatýrasy — 330 727 teńge/tonna.
Buǵan deıin Ulttyq statıstıka bıýrosy Qazaqstanda jınalǵan kommýnaldyq qaldyq kólemi 4,1 mln tonnaǵa jetkeni týraly málimet jarııalaǵan edi.
