Qazaqstanda sáýirdiń 22-27 aralyǵynda Immýndaý aptalyǵy ótkiziledi
ASTANA. 20 sáýir. QazAqparat - Qazaqstanda 2012 jylǵy sáýirdiń 22-27 aralyǵynda Eýropalyq ımmýndaý aptalyǵy ótkiziledi. Atalǵan aktsııa Dúnıejúzilik densaýlyq saqtaý uıymynyń bastamasy boıynsha Eýropanyń barlyq elderinde uıymdastyrylady, dep habarlady QR DSM baspasóz qyzmetinen.
Jyl saıyn ótkiziletin aktsııanyń maqsaty - ımmýndaýdyń mańyzdylyǵyn nasıhattaý, egýlermen tolyq qamtý týraly halyqty habardar etý deńgeıin arttyrý úshin úgitteý jáne maqsatty úndeý júrgizý bolyp tabylady.
Immýndaý aptalyǵy aıasynda ınfektsııalyq aýrýlarǵa qarsy belgilengen merzimde egilmegen barlyq jastaǵy adamdardy anyqtaý jáne egý jumystary júrgiziledi.
Aǵymdaǵy jyly Qazaqstandaǵy Eýropalyq ımmýndaý aptalyǵy «Óz álemińdi qorǵa - vaktsına al» degen uranmen ótýde.
2013 jyly Qazaqstan aýmaǵyndaǵy Eýropalyq ımmýndaý aptalyǵy is-sharalarynyń negizgi baǵyttary: halyqtyń ımmýndyq profılaktıkaǵa senimdi qarym-qatynasyn qalyptastyrý, ımmýndyq profılaktıkanyń qaýipsizdigi týraly halyqqa aqparat berý; ınfektsııalyq aýrýlarǵa qarsy qorǵanýdyń qajettiligi týraly jáne qoǵam úshin ımmýndaýmen jetkiliksiz qamtýdyń saldarlary týraly halyqty, qoǵamdy jáne medıtsına qyzmetkerlerin aqparattandyrýdy jaqsartý; vaktsınatsııanyń joqtyǵyna medıtsına qyzmetkerleri men ata-analardyń toqmeıilsýine kóńil aýdara otyryp, vaktsınatsııadan bas tartýǵa baılanysty qaterlerge jáne onyń zardaptaryna nazar aýdartý; ómirlerine vaktsınanyń kómegimen aldyn alýǵa bolatyn aýrýlar áser etken adamdarǵa sóz berý; ákimshilik aýmaqtardaǵy atqarýshy organdar basshylarynyń nazaryn ımmýndyq aldyn alý máselelerine aýdarý bolyp tabylady.
