Qazaqstanda sáýirdegi kúnkóristiń eń tómengi deńgeıi 18 290 teńgeni qurady

«Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2014 jylǵy sáýirde ótken aımen salystyrǵanda 1,4 paıyzǵa, 2013 jylǵy sáýirge qaraǵanda 6,5 paıyzǵa ósti»,-delingen QR Statıstıka agenttiginiń málimetinde.

Onyń qurylymynda et pen balyqty satyp alýǵa jumsalǵan shyǵystardyń úlesi 22,5 paıyzdy, sút, maı jáne toń maı ónimderi men jumyrtqaǵa - 16,5, jemister men kókónisterge -11,3, sondaı-aq nan jáne jarma ónimderine -7,6, qant, shaı jáne dámdeýishterge shyǵystar 2,1 paıyzdy qurady.