Qazaqstanda satyp alynǵan úsh kóliktiń ekeýi - otandyq kólik
Elimizde bir jylda 75 myń kólik shyǵaryldy. Oǵan barlyq tıptegi kólik quraly - avtomobıl, júk kóligi, avtobýs, arnaıy tehnıkalar kiredi.
«Jalpy, mashına jasaý salasyndaǵy avtomobıl shyǵarý sektorynyń úlesi 2019 jylǵy 26,3% bolsa, 2020 jyly 33,4%-ke jetti. Óńdeý ónerkásibinde avtomobıl jasaý úlesi 4,6% deıin ósti (2019 jyly-3,2%).
Jaqyn elderge 8 122 avtomobıl eksporttaldy. Bul arǵy jyldyń kórsetkishinen 3 ese kóp. Onyń ishinde Reseı, Ózbekstan, Belarýs jáne Qyrǵyzstanda Qazaqstanda shyǵarylǵan Hyundai, Chevrolet jáne JAC brendterine suranys joǵary», delingen habarlamada.
2020 jyly elimizdiń azamattary 93 myńnan astam jańa tehnıka satyp alyp, arǵy jyldyń kórsetkishinen 25% asyp tústi (75 156).
«Osy rette elimizde satyp alynǵan úsh avtomobıldiń ekeýi otandyq óndiris ónimi ekenin aıtý kerek. Ótken jylǵy eń tanymal brendter Hyundai, Chevrolet jáne Toyota boldy. Eń tanymal bes brendtiń tórteýi otandyq óndiris ónimi (Hyundai, Chevrolet, Ravon jáne Lada).
2020 jyly avtomobıl ónerkásibinde qol jetkizilgen tabysty kórsetkishterge Úkimet pen mınıstrlik tarapynan qabyldanǵan jáne otandyq zaýyttar iske asyrǵan naqty sheshimder oń áser etti», delingen habarlamada.
