Qazaqstanda sársenbi kúni aýa raıynyń turaqsyz sıpaty kútiledi, keı jerlerde jańbyr jaýady
ASTANA. QazAqparat - Qazaqstannyń basym bóliginde atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde kún kúrkirep, ótkinshi jańbyr jaýady, respýblıkanyń ońtústik-batysynda shańdy daýyl kóterilip, soltústiginde - túnde jáne tańerteń tuman túsedi, topyraq beti qatyp, kúndiz shyǵysta burshaq jaýady.
Ońtústik pen ońtústik-shyǵysta ǵana kún raıy ashyq bolady, dep habarlady QR ІІM tótenshe jaǵdaılar komıteti Qazgıdrometke silteme jasap.
Jambyl, Ońtústik Qazaqstan, Aqtóbe oblystarynda, túnde Almaty, kúndiz Mańǵystaý oblystarynda jeldiń kúshi 15-20 m/s-qa jetedi, Mańǵystaý oblysynda shańdy daýyl kóteriledi. Shyǵys Qazaqstan oblysynda keı jerlerde jeldiń kúshi 15-20 m/s-qa jetip, kúndiz burshaq jaýady. Aqmola, Qostanaı, Soltústik Qazaqstan oblystarynda keı jerlerde túnde jáne tańerteń tuman túsedi, jeldiń ekpini 15-20 m/s-qa deıin kúsheıedi.
Túnde Aqmola oblysynda topyraqtyń beti 0-2 gradýsqa deıin qatady.
Kúndiz Atyraý, Aqtóbe oblystarynda, Mańǵystaý oblysynyń keı jerlerinde kúshti ystyq bolady.
Respýblıkanyń ońtústiginde, batysynyń keı jerlerinde, soltústik-batysynda, shyǵysynda jáne ortalyǵynda óte joǵary órt qaýpi saqtalady.
