Qazaqstanda sársenbi kúni aýa raıy qubylmaly bolady
ASTANA. QazAqparat - Atmosferalyq frontlady bólikterdiń ótýine baılanysty Qazaqstannyń basym bóliginde aýa raıy turaqsyz bolady, keı jerlerde qar, jańbyr jaýýy múmkin. Eldiń birqatar aımaqtarynda tuman túsip, kóktaıǵaq bolyp, jel kúsheıip, boran soǵady, dep habarlaıdy «Qazgıdromet» RMK.
Aqmola oblysynyń keı jerlerinde tuman túsip, kóktaıǵaq bolady, boran soǵyp, jeldiń jyldamdyǵy sekýndyna 15-20 metrge jetedi.
Almaty oblysynda kúndiz Jalańashkól aımaǵynda jel kúsheıip, jyldamdyǵy sekýndyna 20-25 metr bolady.
Qostanaı oblysynyń keı jerlerine tuman túsedi dep kútilýde. Sondaı-aq kóktaıǵaq bolyp, jeldiń ekpini tań ata jáne kúndiz sekýndyna 15-20 metrge jetedi.
Soltústik Qazaqstan oblysynyń keı jerlerine tuman túsip, jel sekýndyna 15-20 metr jyldamdyqpen uıtqıdy.
Shyǵys Qazaqstan oblysynyń keı jerlerinde túnde jáne kúndiz tuman túsip, kúndiz sekýndyna 15-20 metr jyldamdyqpen jel soǵady.
Atyraý, Batys Qazaqstan oblystarynyń keı jerlerinde tuman túsip, kóktaıǵaq bolady.
Jambyl, Qyzylorda, Mańǵystaý, Aqtóbe, Qaraǵandy, oblystarynda tuman túsýi yqtımal.
Kúndiz Pavlodar oblysynyń birqatar aımaqtarynda kóktaıǵaq bolady.
