Qazaqstanda sapasyz jáne qaýipti ónimderdiń reestri qurylady
Qazaqstannyń bas sanıtar dárigeri, Qoǵamdyq densaýlyq saqtaý komıtetiniń tóraǵasy Jandarbek Bekshın Astanada ótken baspasóz máslıhatynda osylaı dedi.
«Tehnıkalyq talaptarǵa saı kelmegen, sapasyz jáne qaýipti dep tanylǵan ónimderdiń tizimi arnaıy reestrge ornalastyrylady. Sondaı-aq, bul tizimde ónimniń qaıda satylatyny, kim shyǵarǵany da kórsetiledi», - dedi Jandarbek Bekshın Astanada ótken baspasóz máslıhatynda.
Onyń aıtýynsha, bul qadam azyq-túlik ónimderiniń ǵana emes, halyq densaýlyǵyna áser etetin taýarlar sapasyn jaqsartýǵa da múmkindik beredi.
«Jeltoqsan aıynda atalmysh tizimdi jasaý jáne taýarlardy alyp-qosý quziretin aldyq. Sebebi, bir taýar únemi bul tizimde tura bermeıdi. Eger kásipker ónim sapasyn jaqsartýǵa tyryssa, qaýipsizdigin qamtamasyz etse, tizimnen shyǵarylady», - dep atap ótti ol.
Naýryz aıynda reestrdi júrgizý erejeleri bekitiledi jáne sáýirde iske qosylýy tıis.
«Ázirge bul reestrdi Ulttyq palata qyzý talqylap jatyr. Árıne, halyq tizimnen kórgen ónimdi múldem satyp almaıtyn bolady», - deıdi J. Bekshın.