Qazaqstanda sapaly ındýstrııalyq jobalar jetispeıdi

ASTANA. 6 qarasha. QazAqparat - Qazaqstanda sapaly ındýstrııalyq jobalar jetispeıdi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Indýstrııa jáne jańa tehnologııalar mınıstri Áset Isekeshev málim etti.

«Biz kartaǵa qabyldaý talaptaryn kúsheıtken kezde jobalardyń tapshylyǵyn baıqadyq. ıAǵnı, sapaly jaqsy jobalar azdap túse bastady», - dedi mınıstr. Onyń sózinshe, bıyl óńirlerden 200 jańa joba usynylyp, olardyń jartysy talaptarǵa sáıkes bolmaǵandyqtan, tıisti suryptaýdan óte almady. «Atap aıtqanda, biz sapaly jaqsy jobalardyń tapshylyǵyn kórip otyrmyz jáne bul, shynymen de, másele. Óńirlerde bıznespen, ınvestorlarmen jumys istep, olarǵa jaǵdaı jasaý qajet. Ónim shyǵaratyn joǵary tehnologııaly jobalar paıda bolýy úshin jumys isteý kerek», - dep túıdi vedomstvo basshysy.