Qazaqstanda sanıtarlyq-epıdemıologııalyq jaǵdaı turaqty - Bas sanıtarlyq dáriger
ASTANA. 18 shilde. QazAqparat - Elimizde sanıtarlyq-epıdemıologııalyq ahýal turaqty.
Bul týraly búgin brıfıng barysynda QR Densaýlyq saqtaý mınıstrligi memlekettik sanıtarlyq epıdemıologııalyq qadaǵalaý komıtetiniń tóraǵasy Jandarbek Bekshın málim etti.
«2011 jyldyń sáıkes kezeńimen salystyrǵanda 29 nozologııa boıynsha, onyń ishinde jiti vırýstyq gepatıtpen syrqattanýshylyq 38,6, A vırýstyq geptıti 39,3, V vırýstyq gepatıti 32,6, qyzylsha 39,5, saryp aýrýy 22,6, bakterıaldyq dızenterııa 15,9, JQTB-men syrqattanýshylyq 15,1, tynys alý músheleriniń týberkýlezi 7,8, jiti ishek ınfektsııalary 3,9 paıyzǵa tómendedi», - dedi ol.
Onyń atap ótýinshe, aǵymdaǵy jyldyń birinshi jartyjyldyǵynda elimizdegi sanıtarlyq-epıdemıologııalyq jaǵdaı turaqty boldy. Turǵyndardyń tyrysqaq, ish súzegi, paratıf, oba, kúıdirgi, dıfterııa, sirespe, polıomıelıt, aýsyl aýrýlarymen syrqattaný jaǵdaılary tirkelmegen. Tek týlıaremııanyń, bezgektiń, trıhınellezdiń biren-saran deregi tirkelgen.
Aǵymdaǵy jyly respýblıkanyń 7 óńirinde úı jaǵdaıynda daıyndalǵan jáne ártúrli mereke-toılarda qoǵamdyq tamaqtaný kásiporyndarynda ázirlengen taǵamdardyń durys saqtalmaýy, sondaı-aq tirkelmegen kondıterlik tsehtar ónimderin paıdalanýǵa baılanysty jiti ishek ınfektsııalarynyń toptyq syrqattanýshylyq jaǵdaılary tirkelgen.
