Qazaqstanda sanıtarlyq avıatsııa, jedel járdem jáne telemedıtsına bir uıymǵa biriktiriledi

ASTANA. QazAqparat - Qazaqstanda sanıtarlyq avıatsııa, jedel járdem jáne telemedıtsına bir uıymǵa biriktiriledi. Bul týraly búgin keńeıtilgen alqa májilisinde QR Densaýlyq saqtaý jáne áleýmettik damý mınıstri Tamara Dúısenova málim etti.

Mınıstrdiń aıtýynsha, sanıtarlyq avıatsııa, jedel járdem men telemedıtsına baǵyttary myńdaǵan turǵynǵa der kezinde kómek kórsetýge múmkindik berdi. Alaıda, eskirgen materıaldyq-tehnıkalyq baza, kómektiń biryńǵaı standarttarynyń jáne vedomstvoaralyq ózara is-qımyldyń bolmaýy, bul qyzmetterdiń shashyrańqylyǵy, mobıldik medıtsına usynatyn qyzmetter sapasynyń qaýipsiz emestigi men jyldamdyǵy turǵysynda táýekel týdyrady.

«Osyǵan baılanysty tıisti usynys ázirlendi. Birinshiden, Respýblıkalyq sanıtarlyq avıatsııa ortalyǵynyń Respýblıkalyq biriktirilgen medıtsınalyq jedel járdem kómegi ortalyǵyna transformatsııasy qamtylǵan. ıAǵnı osy oraıda sanıtarlyq avıatsııany, jedel járdem, statsıonarlyq jedel járdem kómegi, jyljymaly medıtsınalyq keshender, joldardaǵy qutqarý pýnkterin, sondaı-aq telemedıtsına úılestiriledi», - dedi mınıstr.

Ekinshi usynys biryńǵaı dıspetcherlik ortalyǵyn qurýǵa qatysty bolyp otyr.

«Úshinshiden, memlekettik-jeke seriktestik negizinde jeke ınvestıtsııalardy nemese strategııalyq áriptesterdi tartý jolymen kólik pen jabdyqtardy medernızatsııalaýdy qarastyratyn ınfraqurylymdy damytýǵa mán berilmek», - dep túıdi T. Dúısenova.