Qazaqstanda sandyq televızııany engizýdiń 1-kezeńi aıaqtaldy

ASTANA. 29 qazan. QazAqparat - Qazaqstanda sandyq televızııany engizýdiń 1-kezeńi aıaqtaldy. Bul týraly búgin Astanada «Sandyq dáýirdegi televızııa: qazaqstandyq bolmys pen jahandyq úrdis» atty forým barysynda QR Mádenıet jáne aqparat mınıstrligi Aqparat jáne muraǵat komıtetiniń tóraǵasy Bolat Kalıanbekov málim etti.

«Búgingi tańda Qazaqstanda sandyq televızııany engizýdiń 1-kezeńi aıaqtaldy. Sandyq júıe elimizdiń 5 qalasynda paıdalanýǵa berildi. Olar: Astana, Almaty, Qaraǵandy, Jezqazǵan jáne Jańaózen. Sandyq televızııanyń halyqty qamtý deńgeıi 23 paıyzǵa jetti, bul shamamen 3,2 mln. adam. 2017 jylǵa deıin Qazaqstan halqyn sandyq televızııamen qamtý 95%-ǵa jetedi», - dep atap ótti B.Kalıanbekov.

Mınıstrliktiń aqparaty boıynsha, ekinshi kezeńde 13 oblys ortalyǵy men shekaralyq aımaqtar qamtylatyn bolady.

«Sonymen qatar spýtnıktik tsıfrlyq televızııa iske qosyldy. Búginde «OTAÝ TV» spýtnıktik jelisin 407 myńdaı otbasy tutynyp otyr. 2020 jylǵa qaraı olardyń sany 1 mln. adamǵa jetedi dep kútilýde», - dedi komıtet basshysy.

Aıta keteıik, sandyq televızııa Qazaqstanda 2015 jylǵa deıin tolyq engizilip bitedi dep josparlanýda.