Qazaqstanda samokat tizgindegenderge qosymsha shekteý ázirlenedi

ASTANA. KAZINFORM — Іshki ister mınıstrligi zańnamadaǵy olqylyqtardy túzetip, barlyq tarap úshin túsinikti ereje qalyptastyrmaq. Bul týraly Іshki ister mınıstriniń orynbasary Igor Lepeha málim etti.

— Bul jumysqa eń basynan bastap kiristik. Iá, zańnamadaǵy olqylyqtar tıisti áreketterdi júzege asyrýǵa múmkindik bermeıdi, sondyqtan osy maýsymda depýtattyq túzetýler bolady. Zańnamadaǵy olqylyqtardy túzetip, júrgizýshiler úshin de, polıtseıler úshin de, basqa tarap úshin de túsinikti ereje qalyptastyrýǵa baǵyttalady. Ázirge naqty aıta almaımyn, biraq memlekettik tirkeý bolmaıdy, — dedi Igor Lepeha Májilistiń kýlýarynda.

Osy oraıda samokatshylar jyldamdyqty arttyrsa — tártip buzýshylyq.

— Karsherıng kompanııalarynyń ıelerimen talqylaý bolǵanda, olar saıabaqta, trotýarda jyldamdyqty shekteımiz degen. Ókinishke qaraı, bul oryndalmady. Sondyqtan qazir depýtattarmen jumys toby aıasynda qosymsha shara qabyldanady. Karsherıng kompanııalary talapty erikti túrde qabyldamasa, shamasy, zań júzinde shekteýge týra keledi. Biraq, qalaı jáne qaı baǵytta bolatynyn aıtý ázirge aıtý qıyn, — deıdi ol.

Búgin Májiliste «2026-2028 jyldarǵa arnalǵan respýblıkalyq bıýdjet týraly» jáne respýblıkalyq jáne oblystyq bıýdjet, respýblıkalyq mańyzy bar qalalar, Astana bıýdjeti arasyndaǵy 2026-2028 jyldarǵa arnalǵan jalpy sıpattaǵy transfert kólemi týraly zań jobasy tanystyrylyp jatyr. 

Aıta ketsek, Memleket basshysy bıyl Qazaqstan halqyna Joldaýynda elektrosamokat máselesine toqtalǵan edi. 

Sondaı-aq samokat tizgindegenderdiń áreketi úshin kıksherıng kompanııalar jazalanýy múmkin ekeni týraly jazǵan edik.