Qazaqstanda salyqtyq tekserýler úsh ese azaıdy
"Mundaǵy basty strategııalyq maqsat - bızneske qolaıly jaǵdaı jasap, kedergilerdiń kózin joıý. Qazaqstan zańnamalaryna, atap aıtqanda 14 kodeks pen 109 zańǵa jalpy kólemi myńǵa jýyq ózgerister engizilip otyr", - dedi Astana qalasy memlekettik kirister departamenti basshysynyń orynbasary Qanat Ádilbaev L. N. Gýmılev atyndaǵy EUÝ-da ótken semınarda.
Onyń aıtýynsha, byltyrdan bastap, Qazaqstanda salyqtyq tekserý jumystary azaıyp keledi.
"Bıylǵy tekserý jumystaryn 30 paıyzǵa qysqartýdy kózdep otyrmyz. Kelesi jyly bul kórsetkish taǵy 10 paıyzǵa tómendeıdi. Salystyrmaly túrde, byltyrǵy jartyjyldyqta tekserý sany 2300-ge jýyq bolsa, bıyl 700-den de asqan joq. ıAǵnı, tekserý jumystary úsh esege azaıdy. Alym boıynsha, tek qana kemeni tirkeý jáne nesıe berý alymdary ǵana óz kúshinde qaldy. Qalǵan alymdardyń barlyq túrleri alynyp tastaldy", - dedi Q. Ádilbaev.
