Qazaqstanda salyqtyq ákimshileý júıesin reformalaý boıynsha jobany júzege asyrý kezeńi bastaldy

Bul týraly búgin Astanada Qazaqstan men Halyqaralyq qaıta qurý jáne damý banki arasyndaǵy salyqtyq ákimshileýdi reformalaý jónindegi jobanyń tanystyrylýy barysynda QR Salyq komıtetiniń tóraǵasy Dáýlet Erǵojın málim etti.

«Búginde Qazaqstandaǵy salyq salý jáne salyqty ákimshileý júıelerin jetildirýdi jalǵastyrý qajet. Azamattardyń salyqtyq jáne bıznes júrgizý belsendiligin arttyrý úshin jaǵdaı jasaý, ınnovatsııalyq tehnologııalar men úrdisterdi engizýge jaǵdaı jasaý - Dúnıejúzilik bankpen birlesken jobanyń maqsaty bolyp tabylady», - dedi ol.

Onyń atap ótýinshe, joba elimizdegi salyqtyq ákimshileýdi nyǵaıtýǵa jáne reformalaýǵa, salyq tóleýshilerdiń QR Salyq zańnamasyn óz erikterimen saqtaý deńgeıin artyrýǵa, jáne salyq tóleýden jaltarýmen kúresý sharalarynyń tıimdiligin arttyrýǵa baǵyttalǵan.

Atalǵan jobanyń jalpy quny 57 mln. AQSh dollaryn quraıdy. Onyń ishinde Dúnıejúzilik banktiń zaımy - 17 mln., QR Úkimetiniń zaımy 40 mln. dollardy quraıdy.