Qazaqstanda salyqtardy jınaý mehanızmi túbegeıli ózgeriske ushyraıdy
ASTANA. QazAqparat - Qazaqstanda salyqtardy jınaý mehanızmi túbegeıli ózgeriske ushyraıdy. Bul týraly búgin Aqordada ótken QR Úkimetiniń keńeıtilgen otyrysynda Elbasy Nursultan Nazarbaev aıtty.
«Salyqtardy jınaý mehanızmi túbegeıli ózgeriske ushyraıdy. Kúrdeli ári túsiniksiz qosylǵan qun salyǵyn qosa alǵanda satylymǵa salyq engizý máselesin tyńǵylyqty zerdeleý qajet. Búginde bizde QQS-ti qaıtarý boıynsha bıznes paıda bolyp otyr», - dedi Elbasy.
QR Prezıdentiniń atap ótýinshe, búginde qosylǵan qun salyǵyn qaıtarýmen aınalysatyn adamdar paıda bolǵan.
«QQS bizde bar barlyq salyqtardan da mol salyqqa aınalyp otyr. ıAǵnı, siz kúrdeli ári túsiniksiz QQS-tiń ornyna satylym salyǵyn engizetin bolsaq, onda biz utysqa shyǵamyz», - dedi N.Nazarbaev.
