Qazaqstanda salyq tóleýdiń elektrondyq júıesi engizilmek
Salyqtardy durys tólemeý problemasy kóptegen derektemelerdi toltyrýdaǵy qıyndyqtarymen baılanysty (102 salyq kodynyń, 14 tólem kodynyń, 235 MKO-kodynyń nemese 1066 JÓB kodynyń birin kórsetý qajet).
Búgingi kúni salyq tóleýshiniń jáne onyń múlkiniń tirkeý esebin teksermesten jeke shottarǵa tólemderdi avtomatty túrde tóleý boıynsha júıeli fýnktsıonal qarastyrylǵan.
ıAǵnı, salyq tóleýshi derektemelerde qate jibergen jaǵdaıda (salyq kodyn, tólem kodyn nemese salyqtyq basqarý kodyn durys kórsetpese), onda júıe salyq tóleýshiniń ótinishinsiz avtomatty túrde tólemdi durys derektemelerge jiberedi, ıaǵnı avtomatty esepteýdi júzege asyrady.
Alaıda, esepteý operatsııalary men tekserýler kóleminiń kóp bolýyna baılanysty júıe turaqty jumys istemeıdi jáne avtomatty esepteýdi tez júrgizýge múmkindik bermeıdi. Osy problemany sheshý úshin MKK 2019 jyly serverlik qýattylyqty kúsheıtý úshin jumystar júrgizetin bolady.
Sondaı-aq, aǵymdaǵy jyldyń sońyna deıin memlekettik qyzmet kórsetý salasynda lıder bolyp tabylatyn Estonııanyń tájirıbesi boıynsha salyq tóleýdi túbegeıli jaqsartý josparlanyp otyr. Salyqtardy tóleýdiń búkil protsesi qaıta qaralyp jatyr jáne Biryńǵaı elektrondyq ámııan qurý arqyly elektrondy salyq tóleý qyzmetterine kóshý josparlanýda.
Salyq tóleýshi úshin onyń boryshtary men bıýdjet aldandaǵy mindettemeleri týraly barlyq aqparat E.gov portalyndaǵy bir terezede jeke kabınetinde kórsetiledi. Tólem biryńǵaı derektemelerde júrgiziledi, ıaǵnı júıe Biryńǵaı elektrondyq ámııanǵa kelip túsken tólemdi salyqtyq mindettemeler týyndaǵan tıisti salalarǵa (deklaratsııalar, esepter, tekserý aktileri, ýákiletti organdardyń málimeti) avtomatty túrde jiberedi. ıAǵnı, tólem tirkeý orny nemese múlik ornalasqan jerine qaramastan, JSN boıynsha avtomatty túrde jasalady. Osylaısha salyqty qate tóleý joıylady.
