Qazaqstanda salyqtyq tirkeýdiń jańa qaǵıdalary usynyldy

ASTANA.KAZINFORM – Qarjy mınıstriniń «Salyq tóleýshilerdi salyqtyq tirkeýge qatysty keıbir máseleler týraly» buıryq jobasy «Ashyq NQA» portalynda jarııalandy.

Qujat salyq tóleýshilerdi esepke qoıý, tirkeý derekterine ózgerister men tolyqtyrýlar engizý tártibin aıqyndaıtyn salyqtyq tirkeý qaǵıdalaryn bekitýdi kózdeıdi.

Sonymen qatar jobada kelesi memlekettik qyzmetterdi kórsetý qaǵıdalary da bekitilgen: «Salyq tóleýshilerdi tirkeý», «Jeke kásipkerdi jáne jeke praktıkamen aınalysatyn tulǵany tirkeý esebi», «Qosylǵan qun salyǵyn tóleýshilerdiń tirkeý esebi».

Atalǵan jobanyń maqsaty – salyqtyq tirkeý rásimderin ońtaılandyrý, tirkeý derekteriniń dáldigi men ózektiligin arttyrý, sondaı-aq salyq tóleýshiler men memlekettik kirister organdary arasyndaǵy ózara is-qımyldy jaqsartý.

Osylaısha, jańa qaǵıdalardy engizý memlekettik qyzmetterdiń sapasyn arttyrýǵa jáne kórsetý merzimderin qysqartýǵa múmkindik beredi dep josparlanǵan.

Qujat osy jyldyń 11 qyrkúıegine deıin kópshilik talqylaýǵa shyǵarylǵan.

Eske salaıyq, 2026 jyldan bastap salyq salasynda qandaı ózgerister bolatynyn habarlaǵanbyz.