Qazaqstanda salyqtar men mindetti tólemderdiń sany qysqarady

ASTANA. KAZINFORM – Salyq týraly jańa kodekske sáıkes salany birqatar ózgeris kútip tur. Tolyǵyraq Ulttyq ekonomıka vıtse-mınıstri Azamat Ámrın aıtyp berdi.

«Salyqtar men bıýdjetke tólenetin mindetti tólemderdiń sany keminde 20%-ǵa qysqarady. Memleket basshysy atap ótkendeı, mańyzdy fıskaldyq qaıtarymy joq tólemder alynyp tastalady, al keıbiri biriktiriledi. Bizde qazir barlyǵy 12 salyq bar, olar halyqaralyq tájirıbege sáıkes keledi. Sharýa jáne fermer qojalyqtarynan alynatyn biryńǵaı jer salyǵy ǵana tabys salyǵynyń mánin qaıtalaıdy. Sonymen qatar biryńǵaı jer salyǵyn (BJN) jeke tabys salyǵyna kóshirý usynylyp otyr. Sharýalar men fermerler úshin jeńildikti rejım saqtalady», - dedi Azamat Ámrın Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, vıtse-mınıstr mindetti tólemderdiń qysqaratyny týraly aıtty.

«Ol erekshe qorǵalatyn tabıǵı aýmaqtardy paıdalanǵany úshin, syrtqy jarnamany ornalastyrǵany úshin jáne qyzmettiń jekelegen túrlerimen aınalysqany úshin lıtsenzııalardy paıdalanǵany úshin tólemder. Jer ústi kózderiniń sý resýrstaryn paıdalanǵany, ormandy paıdalanǵany jáne janýarlar dúnıesin paıdalanǵany úshin 3 tólemdi biriktirý usynylady. Tabıǵı resýrstardy paıdalanǵany úshin bir ǵana tólem bolady. Jalpy, tólem mólsherlemeleri 77-ge, al alymdardyń 6 túrin qysqartý usynylady. Olar boıynsha stavkalardyń 34 túri alynyp tastalady», - deıdi ol.

Odan bólek, A.Ámrın memlekettik bajdyń 5 túri alynyp tastalyp, olar boıynsha mólsherlemeler 51-ge qysqaratynyn málim etti. Bul salyq pen tólemderdiń sanyn 20%-ǵa qysqartý jónindegi mindetti oryndaýǵa múmkindik bermek.

Aıta keteıik, birer kún buryn jańa Salyq kodeksiniń jobasy jarııalandy.