Qazaqstanda salyq tóleýge bir batyrma jetkilikti bolady
QR Qarjy Vıtse-mınıstri Erjan Birjanov jańa Salyq kodeksinde qandaı ózgerister bolarynyn aıtyp berdi, dep habarlaıdy QazAqparat tilshisi.
Salyq kodeksi boıynsha jumys tolyq kólemde júrip jatyr.
Qazir jumys toby quryldy, oǵan «Atameken» palatasy men bıznes ókilderi endi.
Ásirese qosylǵan qun salyǵyn basqarý, salyqtyq tekserýler, kameraldyq baqylaý, tirkeý máselesi, májbúrlep óndirip alý baǵyttary óte qyzý talqylanýda.
«Biz salyq formalaryn aldyn ala toltyrýdy qamtamasyz etý, salyq tóleýdi jeńildetý, salyq nysandarynyń sanyn qysqartý sekildi jańa tásilderdi usynbaqpyz. Eseptilikti toltyrý kezinde formatty-logıstıkalyq baqylaý boıynsha qyzmetter kórsetemiz. Bul salyq tóleýshiniń bank shottaryndaǵy mindettemeleri men shekteýleri bolǵan kezde kameraldyq baqylaý týraly habarlamalardy joıýǵa múmkindik beredi. Eger salyq tóleýshige toltyrý kezeńinde kómektessek, aldaǵy ýaqytta qýdalap júrmeımiz. ıAǵnı, salyq tóleýshi tirkelgen sátten bastap fıskaldyq turǵyda qoldaý kórsetemiz», — dedi E. Birjanov TMD elderiniń salyq qyzmetteri basshylarynyń úılestirý keńesiniń otyrysynda.
Spıker tsıfrlyq sheshimderdiń kúnnen-kúnge damyp kele jatqanyn atap ótti.
«Bank sektory da keń aýqymdy qyzmetterdi kórsetetin boldy, osyǵan baılanysty biz salyqty bir batyrmany basyp tóleý úshin operatorlarmen, bank júıelerimen birge jumys isteýimiz kerek. Salyq tóleýshi úshin formany toltyramyz, durystyǵyn rastaımyz jáne tólem onlaın rejımde júzege asyrylady. Tipti bolashaqta salyqtyń esh batyrmasyz, avtomatty túrde tólengenin qalaımyz. Biz osyǵan umtylamyz», — dedi E. Birjanov.
Qazirgi ýaqytta memlekettik kirister organdary eki jańa júıeni engizý boıynsha jumys júrgizýde, olar — salyqtyq ákimshilendirýdiń ıntegratsııalanǵan júıesi jáne ıntegratsııalanǵan derekter bazasy.
«Birinshisinde qyzmetter eseptiligin usyný boıynsha qoldanystaǵy júıelerdi túbegeıli qaıta qaraımyz, ony bıznes ortaǵa jaqyndata túsemiz. Júıeler tez jáne adam faktorynsyz onlaın jumys isteýi kerek. Ekinshi júıe ýákiletti memlekettik organdarmen jáne basqa ınstıtýttarmen jyldam ózara is-qımyl jasaýǵa múmkindik beredi. Bul júıeler kelesi jyldan bastap jumys isteıdi», — dedi vıtse-mınıstr.
