Qazaqstanda saqtandyrý ombýdsmeni jańa mindetterdi iske asyrady
ASTANA. QazAqparat - Qazaqstanda saqtandyrý ombýdsmeni jeke tulǵalar men shaǵyn kásiporyndardyń shaǵymdaryn qarastyratyn bolady. Bul týraly Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine saqtandyrý jáne saqtandyrý qyzmeti máseleleri boıynsha ózgerister men tolyqtyrýlar engizý týraly» zań jobasyn talqylaý kezinde QR Ulttyq bankiniń tóraǵasy Danııar Aqyshev málim etti, dep habarlaıdy QazAqparat.
«Daýlardy sotqa deıingi retteý ınstıtýtyn damytý úshin jasalǵan saqtandyrý ombýdsmeniniń qyzmetin keńeıtý eskerilgen. Búgingi kúni sotqa deıingi retteý ınstıtýty saqtandyrý ombýdsmenimen usynylǵan. Onyń ókiletilikteri tek avtokólik ıeleriniń jaýapkershiligin saqtandyrýǵa ǵana qoldanylady. Biraq, onyń ókilettilikteri saqtandyrýdyń basqa túrlerine qatysty keńeıtý máseleleri qaralýda. Budan bylaı kompanııa klıenti saqtandyrý tóleminiń mólsherimen kelispegen jaǵdaıda saqtandyrýdyń kez kelgen túri boıynsha óz múddelerin qorǵaý úshin saqtandyrý ombýdsmenine júgine alady», - dedi Aqyshev.
Belgili bolǵandaı, ombýdsmen jeke tulǵalar men shaǵyn kásiporyndardyń shaǵymdaryn qarastyratyn bolady.
«Daýlardyń somalary 10 myń aılyq eseptik kórsetkishke nemese 24 mln teńgege deıingi mólsherde. Atalǵan lımıt damyǵan eldermen uqsas qoıylǵan», - dep túıdi UB basshysy.
