Qazaqstanda saentologııa shirkeýi dinı uıym retinde tanylǵan joq - Din isteri agenttigi

ASTANA. 26 qarasha. QazAqparat - Qazaqstanda saentologııa shirkeýi dinı uıym retinde tanylǵan joq.

Bul týraly búgin Din isteri agenttiginiń hrıstıan jáne basqa da dinı birlestiktermen baılanys jónindegi basqarma basshysy Syrym Abdrahmanov málim etti.

«Dinı saraptamalardy júrgizgen sarapshylar elimizdegi saentologııa shirkeýin dinı birlestik retinde moıyndaǵan joq. Osyǵan oraı, aǵymdaǵy jyldyń qarasha aıynyń basynda ádilet organdary Almaty qalasy boıynsha saentologııa shirkeýine qatysty shaǵym túsirildi», - dedi Syrym Abdrahmanov búgin Astanada ótip jatqan semınar barysynda.

Onyń aıtýynsha, saentologııa shirkeýi álemniń kóptegen elderinde dinı uıym retinde moıyndalmaıdy.

Eske salsaq, atalǵan shara barysynda destrýktıvti dinı uıymdar qyzmetinen japa shegýshilerge kómek kórsetý jónindegi máseleler talqylandy.