Qazaqstanda sadaqaǵa arnalǵan elektrondy termınal quryldy
ASTANA. QazAqparat - Qazaqstanda sadaqaǵa arnalǵan elektrondy termınal quryldy. Qazir termınal synaq rejıminde jumys istep tur, dep habarlanǵan Qazaqstan musylmandary dinı basqarmasynyń saıtynda.
«Elektrondy sadaqa» jobasy Qazaqstan musylmandary dinı basqarmasynyń ákimshiliginiń bastamasymen qolǵa alynǵan.
Alǵashqy termınal Áziret Sultan meshitine qoıyldy.
«Elektrondy sadaqa» termınaly alǵashqy kezeńde Astana qalasyna qoıylady. Eger joba úmitti aqtaıtyn bolsa, Qazaqstannyń basqa qalalaryndaǵy meshitterine ornalastyrylady.
