Qazaqstanda sábılerge eń jıi qandaı esimder qoıylady

NUR-SULTAN. QazAqparat - QR Ádilet mınıstrliginiń Azamattyq hal-aktilerin tirkeý basqarmasy 2019-2020 jyldary nárestelerge eń jıi qoıylǵan esimder tizimin jarııalady, dep habarlaıdy QazAqparat tilshisi.

Atalǵan mınıstrliktiń Facebook-paraqshasynda jarııalanǵan málimetke sáıkes, ekinshi jyl qatarynan elimizde uldar arasynda Álıhan, Aısultan jáne Nurıslam esimderi jıi qoıylady eken. Máselen, ótken jyly dúnıege kelgen 4268 sábıge Álıhan, 3270 nárestege Aısultan, 2528 balaǵa Nurıslam esimi berilgen. Bıyl da atalǵan úsh esim dál osyndaı retpen jıi qoıylǵan. Naqty aıqanda, Álıhan esimdilerdiń sany – 1204-ke, Aısultandar – 841-ge, Nurıslamdar 765-ke kóbeıdi.

Al qyz balalar arasynda 2019 jyly Raıana (5601), Medına (5320), Aızere (4510) esimderi, osy jyly Medına (1289), Asylym (1183), Raıana (1172) esimderi jıi qoıylǵan.