Qazaqstanda «S» vırýstyq gepatıtine shaldyǵý 2,8 esege tómendedi
«Bıylǵy jeti aıynda respýblıkada jiti »S« vırýstyq gepatıtiniń (JVGS) 35 jaǵdaıy tirkeldi. Aýrýshańdyq kórsetkishi 100 myń turǵynǵa shaqqanda 0,19 qurady. 14 jasqa deıingi balalar arasynda 12 bala tirkelgen. 100 myń balaǵa shaqqanda – 0,23. Balalar arasynda JVGS jaǵdaıy Nur-Sultan qalasynda (6), Almaty qalasynda (3), Aqmola, Qaraǵandy, Shyǵys Qazaqstan oblystarynda (1-den) tirkelgen», - dedi mınıstrliktiń baspasóz qyzmetinen.
Densaýlyq saqtaý mınıstri bir aı ishinde halyqaralyq sarapshylardy jáne basqa da uıymdardy tarta otyryp, ınfektsııalyq baqylaý salasyndaǵy standarttar men buıryqtarǵa aýdıt júrgizýdi jáne jyl sońyna deıin normatıvtik qujattardy qaıta qaraýdy, onkogematologııalyq aýrýlarmen aýyratyn naýqastarǵa kómek kórsetetin medıtsınalyq uıymdardy joǵary qaýipti obektilerge jatqyzýdy, al TTQSB standarttarynyń saqtalýyn qamtamasyz etýdi tapsyrdy.
«Sonymen qatar, bıyldan bastap barlyq patsıentter vırýsqa qarsy tıimdi emmen qamtylǵanyn atap ótý qajet. 2018 jyldan bastap mınıstrlik «S» vırýsty gepatıti bar naýqastardy emdeý úshin »Sofosbývır« jańa joǵary tehnologııalyq dárilik zatty satyp alýǵa qarjy bóledi. Bıýdjettik qarajatty únemdeý esebinen josparlanǵan 4 myń adamnyń ornyna 18 myń adam emdeledi. Úsh jyldyq kelisim aıasynda Qazaqstandaǵy BUUDB »S« gepatıtine qarsy 4,1 mln AQSh dollaryna (1,5 mlrd.teńge) dári jetkizedi.
Osylaısha, »S« vırýsty gepatıti bar naýqastar tıimdiligi joǵary jańa «Sofosbývır+Daklatasvır» preparatymen emdelý múmkindigine ıe boldy (kýrstyń tıimdiligi dáleldengen jáne 90% jetedi). 2018-2019 jyldary 21 191 naýqas em alady», - dedi mınıstrlikten.