Qazaqstanda S gepatıtine 50 myń adam shaldyqqan
ASTANA. QazAqparat - Qazaqstanda S gepatıtine shaldyqqandardyń tiziminde 50 myń adam tirkelgen.
Bul týraly búgin Ortalyq kommýnıkatsııalar qyzmetinde ótken baspasóz máslıxatynda QR Densaýlyq saqtaý jáne áleýmettik damý mınıstrliginiń bas gepatology Kúlpásh Qalıasqarova málim etti, dep habarlaıdy QazAqparat.
"Qazaqstanda S gepatıtine shaldyqqan 50 myń patsıent esepte tur. Olardyń 360-y - balalar", - dep jaýap berdi Qalıasqarova tilshilerdiń qoıǵan saýalyna.
Dárigerdiń aıtýynsha, baýyr aýrýlary Qazaqstanda joǵary ólim-jitim sebepteriniń biri.
"As qorytý organdarynyń aýrýlary Qazaqstanda ólim-jitim boıynsha 4-5 orynda. Solardyń 75 paıyzy - baýyr dertterinen oryn alady. As qorytý organdary aýrýlary ishinde baýyr dertteri ólim-jitimge kóp sebepshi bolady degen sóz. S gepatıti boıynsha málimetter keltire ketsek, jyl saıyn bizde 400 adam atalmysh vırýsqa shaldyǵady", - deıdi bas gepatolog.
