Qazaqstanda rýli oń jaqtaǵy alǵashqy kólik tirkeýge qoıyldy
Sáken Ǵalıev – rýli aýystyrylǵan kólikti tirkegen Qazaqstandaǵy birinshi adam. Ol «Toıota alfard» avtokóliginiń oń jaqtaǵy rýlin sol jaǵyna aýystyrdy. Aıtýynsha, jumys protsesi kóp ýaqytty almaǵan.
«Avtokólikti Armenııa Respýblıkasynan ákeldim. Ony ýaqytsha esepke qoıý úshin polıtsııaǵa aryzdandym. Ótinishti tirkegennen keıin «Ulttyq saraptama jáne sertıfıkattaý ortalyǵy» AQ Qostanaı fılıalynyń synaq ortalyǵynda kólik quraly konstrýktsııasynyń qaýipsizdigin tekserý hattamalaryn aldym. Kóliktiń rýlin, jaryqshamdaryn jáne oryndyǵyn aýystyrdym. Bári bir kúnde iske asty.Sertıfıkattaýdy 20 teńgege ótkizdim, al ýaqytsha esepke qoıý anyqtamasy úshin 12 myń teńge tóledim. Endi kóligimmen el terrıtorııasynda kedergisiz júre alamyn», - deıdi kólik ıesi.
Qostanaı oblysy PD Ákimshilik polıtsııa basqarmasynyń bastyǵy Andreı Grıgorevskııdiń aıtýynsha, avtokólikterdi ýaqytsha esepke qoıý úshin mamandandyrylǵan HQKO-ǵa júginý qajet. Bir saǵat ishinde kólik ıesine tehnıkalyq pasport jáne sary tústi memlekettik nómirler berildi. Eger kólik Sáken Ǵalıevtikindeı bolsa, tehnıkalyq tólqujatta «Erekshe belgiler» baǵanynda avtomobıldiń rýl mehanızmi qaıta jabdyqtalǵany týraly belgi paıda bolady.
