Qazaqstanda rýbl shamadan tys kóbeıgen joq - Qarjy mınıstri

ASTANA. QazAqparat – QR Premer-Mınıstriniń orynbasary, Qarjy mınıstri Erulan Jamaýbaev eldegi Reseı rýbliniń aınalymy týraly pikir bildirdi, dep habarlaıdy QazAqparat tilshisi.

«Meniń bilýimshe, mende bar aqparatqa sáıkes, rýbldiń shamadan tys kóptigi tirkelgen joq. Eger Ulttyq bank qandaı da bir qaýip kórse nemese osynsha kólemdi Reseıge bir ret shyǵarý qajettiligin nemese basqa sharalardy josparlasa, Ulttyq bankpen talqylaý júrgizemiz. Bul másele Ulttyq banktiń quziretinde. Shara qabyldaý úshin naqty shek kórsetilmegen», - dedi Erulan Jamaýbaev Úkimet kýlýarynda tilshilerge bergen suhbatynda.

Óz jaýabynda Qarjy mınıstri valıýtalyq retteý máseleleri Ulttyq bank quzyretine jatatynyn aıtty.

Keshe QR Ulttyq bank tóraǵasy Ǵalymjan Pirmatov teńge men rýbl arasynda tikeleı aıyrbastaý baǵamyn qalyptastyrýǵa qatysty pikir bildirgen edi.