Qazaqstanda Rolls-Royce, Ferrari, Bentley sekildi qymbat kólikter sany eki esege kóbeıgen
ASTANA. QazAqparat - 2018 jyldyń qorytyndysynda bastapqy jáne qaıtalaı tirkelgen Luxury brendti avtomobıl sany 330-ǵa jetti. Bul 2017 jylǵy kórsetkishten 47 paıyzǵa kóp, dep habarlaıdy QazAqparat tilshisi.
Qazaqstan avtobıznes qaýymdastyǵy málimetinshe, qaltaly qazaqstandyqtardyń satyp alatyn qymbat kólikterdiń kóshbasynda Bentley tur. Ótken jyly mundaı 140 kólik tirkelgen. Bul kóliktiń Continental GT, Flying Spur jáne Bentayga modelderi elimizde júr. Ekinshi oryndaǵy Mercedes-Benz Maybach S-Class avtomobıliniń ótken jyly 65-i tirkelse, onyń 24-i alǵash ret nómir alǵan.
Sondaı-aq ótken jyly 29 Maserati, 24 Rolls-Royce jáne 11 Ferrari tirkeýge alynǵan. Aıta keterligi, byltyr Halyqqa qyzmet kórsetý ortalyqtarynda 3 Lamborghini men 2 Aston Martin qaıta tirkeýden ótken.
