Qazaqstanǵa róli oń jaqta ornalasqan kólikterdi bólshektep kirgizýge tyıym salynady
Ónerkásip jáne qurylys mınıstriniń buıryǵymen Qazaqstanǵa róli oń jaqta ornalasqan avtokólikterdi kirgizýge shekteý engiziledi, dep habarlaıdy Kazinform.
- «Saýda qyzmetin retteý týraly» Qazaqstan Respýblıkasy Zańynyń 17-baby 2-tarmaǵyna jáne 18-baby 1-tarmaǵynyń 2) tarmaqshasyna, Eýrazııalyq ekonomıkalyq odaq týraly sharttyń 29 jáne 47-baptaryna, sondaı-aq 2014 jylǵy 29 mamyrdaǵy Eýrazııalyq ekonomıkalyq odaq týraly shartqa 7-qosymshanyń 10-bólimine sáıkes Qazaqstan Respýblıkasy aýmaǵyna róli oń jaqta ornalasqan jeńil avtokólikterdi bólshektelgen túrde kirgizýge alty aıǵa tyıym salamyn, - delingen qujatta.
Kóliktiń keıbir túrleri ǵana bul tizimge enbegen:
- mototsıkl (sedla) úlgisindegi oryndyqpen, eki aldyńǵy dońǵalaqty qolmen basqarý tetikterimen, jolsyz jerlerge arnalǵan shınalarmen, artqy júristi qamtamasyz etetin qorabymen, avtomatty nemese qolmen basqarylatyn trasmıssııamen jabdyqtalǵan eki nemese tórt jetekshi dóńgelegi bar tórt dońǵalaqty joǵary qozǵalmaly motorly kólik quraldary;
- Qozǵaltqysh tsılındrleriniń jumys kólemi 1 000 sm³ artyq, biraq 1 500 sm³ aspaıtyn;
- Qozǵaltqysh tsılındrleriniń jumys kólemi 1 500 sm³ artyq, biraq 3 000 sm³ aspaıtyn;
- Qozǵaltqysh tsılındrleriniń jumys kólemi 3 000 sm³ astam;
- Qozǵaltqysh tsılındrleriniń jumys kólemi 1 500 sm³ aspaıtyn;
- Qozǵaltqysh tsılındrleriniń jumys kólemi 1 500 sm³ artyq, biraq 2 500 sm³ aspaıtyn;
- Qozǵaltqysh tsılındrleriniń jumys kólemi 2 500 sm³ astam;
- syrtqy elektr kózine qosylý arqyly zarıadtalatyndardan basqa, ushqynmen tutanatyn porshendi ishki janý qozǵaltqyshymen de, elektr qozǵaltqyshymen de qozǵalysqa keltiriletin kólik quraldary.
Osy buıryq alǵashqy resmı jarııalanǵan kúnnen keıin on kún ótken soń qoldanysqa engiziledi.
