Qazaqstanda Rım jarǵysy ratıfıkatsııalanatyny ras pa

ASTANA. KAZINFORM — QR Bas prokýratýrasy Halyqaralyq qylmystyq sottyń (HQS) Rım jarǵysy ratıfıkatsııalanatyny týraly aqparatty joqqa shyǵardy, dep habarlaıdy Kazinform agenttiginiń tilshisi.

Buǵan deıin qazaqstandyq Telegram-arnalarda Qazaqstannyń Rım statýtyn ratıfıkatsııalaýǵa nıetti ekeni týraly aqparat taraǵan bolatyn.

— Qazaqstan Respýblıkasynyń Bas prokýratýrasy bul halyqaralyq qujatty ratıfıkatsııalaý boıynsha eshqandaı jumys júrgizip jatqan joq, — dep habarlady vedomstvo Kazinform-nyń resmı saýalyna bergen jaýabynda.

Rım statýty — Halyqaralyq qylmystyq sot qyzmetiniń negizin qalyptastyratyn halyqaralyq kelisim. Ol 1998 jyly 17 shildede qabyldanǵan jáne sottyń fýnktsııalaryn, ıýrısdıktsııasyn jáne qurylymyn aıqyndaıdy.

Halyqaralyq qylmystyq sot — halyqaralyq beıbitshilik pen qaýipsizdikke qater tóndiretin eń aýyr qylmystarǵa jaýapty adamdardy qýdalaýmen aınalysatyn tarıhtaǵy alǵashqy turaqty halyqaralyq sot organy. Bul sot 2002 jyly Rım statýtynyń negizinde (ıaǵnı, uıymnyń jarǵysy) qurylǵan.

Aıta keteıik, jýyrda AQSh Halyqaralyq qylmystyq sotqa qarsy sanktsııalar engizdi.