Qazaqstanda rıeltorlyq qyzmetti retteý tıisti deńgeıde emes – Tımýr Jaqsylyqov
ASTANA. KAZINFORM – Ulttyq ekonomıka birinshi vıtse-mınıstri Tımýr Jaqsylyqov depýtattardyń rıeltorlyq qyzmetke memlekettik retteýdi belgileý týraly usynysyna pikir bildirdi.
«Biz bul máselege taldaý jasadyq. Onyń barysynda bul salada, rıeltorlyq qyzmet salasynda eshqandaı retteý joq ekeni belgili boldy. Sonymen qatar, eshqandaı talaptar joq. Bul rette, jaǵdaıdy retke keltirý kerek degen másele kóterildi. Sondyqtan olardy zańnamalyq turǵydan retke keltirý qajet», — dedi T. Jaqsylyqov Senatta ótken brıfıngte.
Onyń aıtýynsha, depýtattar bul bastamany saladaǵy kemshilikterdi joıý maqsatynda usynyp otyr.
«Esterińizde bolsa, 2022 jyly tamyz-qyrkúıek aılarynda Astanada jáne basqa qalalarda páterdi, úıdi, qonaqúıdi jalǵa alýǵa suranys kúrt artqan edi. Sol kezde elimizde klıenttermen kelisimsharttar negizsiz buzylyp, kóbirek aqsha usynǵan basqa adamdarmen kelisimsharttar bekitile bastaǵan», — dedi vıtse-mınıstr.
Aıta keteıik, jaqynda Májilis depýtattary rıeltorlyq qyzmetke memlekettik retteýdi ornatýdy talap etti.
