Qazaqstanda rezervtegi áskerı qyzmetke arnalǵan kelisimshart bekitildi

ASTANA. KAZINFORM - Qorǵanys mınıstri rezervtegi áskerı qyzmetti ótkerý týraly kelisimsharttyń jańa úlgilik nysanyn bekitti. Tıisti buıryqqa bıyl 11 jeltoqsanda qol qoıyldy.

Vedomstvo málimetshinshe, jańa kelisimshart úsh jyl merzimge jasalady. Sonymen qatar qujat rezervısterdiń quqyqtyq mártebesi aıqyndalyp, rezervtegi áskerı qyzmetshilerge qoıylatyn talaptar men olarǵa beriletin kepildikter jan-jaqty kórsetilgen.

Rezervıstiń mindetteri:

1. Qazaqstan Respýblıkasynyń Konstıtýtsııasyn jáne ózge de normatıvtik quqyqtyq aktilerin, sondaı-aq jalpy áskerı jarǵylardyń talaptaryn saqtaý;

2. Osy kelisimshartta belgilengen merzim ishinde rezervtegi áskerı qyzmetti ótkerý;

3. Jeke qaýipsizdik pen ómiri men densaýlyǵyn saqtaýdy qamtamasyz etetin jeke qorǵanys quraldaryn maqsatyna saı qoldaný;

4. Halyqaralyq sharttarǵa sáıkes Qarýly kúshterdiń, basqa da áskerler men áskerı quralymdardyń, birikken (koalıtsııalyq) qarýly kúshterdiń quramynda qarýly qaqtyǵystarǵa qatysý;

5. Rezervtegi áskerı qyzmetti ótkerý týraly kelisimshart talaptaryn saqtaý;

6. Ýákiletti organnyń birinshi basshysy bekitken dene shynyqtyrý daıyndyǵy boıynsha normatıvterin oryndaý;

7. Ózine senip tapsyrylǵan qarý-jaraq pen áskerı tehnıkany qoldana bilý, olardyń saqtalýyn jáne durys paıdalanylýyn qamtamasyz etý;

8. Qazaqstan Respýblıkasy Úkimetiniń 2021 jylǵy 28 qazandaǵy № 776 dsp qaýlysymen bekitilgen «Qazaqstan Respýblıkasynyń memlekettik qupııalaryn qorǵaý jónindegi nusqaýlyqqa» sáıkes memlekettik qupııalardy quraıtyn málimetterdi jarııa etpeý jóninde mindetteme qabyldaý;

9. Qazaqstan Respýblıkasynyń zańnamasynda belgilengen qyzmettik ádep normalaryn saqtaý;

10. Qazaqstan Respýblıkasynyń zańdarynda kózdelgen shekteýlerdi qabyldaý;

11. Áskerı múliktiń saqtalýyn qamtamasyz etý;

12. Áskerı qyzmetishiniń jeke múddeleri qyzmettik ókilettikterimen qıylysqan nemese qaıshylyqqa túsken jaǵdaılarda jazbasha túrde baıanat berýge jáne komandırin (bastyqty) dereý habardar etý;

13. Áskerı qyzmet múddesine nuqsan keltiretin jarııa sóz sóıleýlerge jol bermeý;

14. Tómendegi jaǵdaılar týraly komandırin (bastyǵyn) jazbasha túrde dereý habardar etý:

• shet memlekettiń azamattyǵyn qabyldaý nıeti;
• Qazaqstan Respýblıkasynyń azamattyǵynan shyǵý týraly ótinish berý;
• eger ózine belgili bolsa, zaıybynyń (jubaıynyń) nemese óziniń jaqyn týystarynyń shet memlekettiń azamattyǵyn qabyldaý nıeti jáne (nemese) olardyń Qazaqstan Respýblıkasynyń azamattyǵynan shyǵý týraly ótinish bergeni týraly jazbasha túrde dereý habardar etý.

15. Rezervtegi áskerı qyzmet kózdelgen memlekettik organnyń birinshi basshysy belgilegen merzimder men tártipke sáıkes jaýyngerlik daıarlyq sabaqtaryna, jıyndarǵa nemese daǵdarys jaǵdaılaryndaǵy jıyndarǵa áskerı bólimge (mekemege) kelý.

Kelisimshartta rezervtegi áskerı qyzmetshiniń kelesi quqyqtary da bekitilgen:

1. «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń Zańynda kózdelgen normalar boıynsha jáne tártippen memleket esebinen aqshalaı tólemmen, zattaı múlikpen, jabdyqtalymnyń basqa da túrlerimen qamtamasyz etilý;

2. Biliktiligin, qabiletin jáne qyzmettik mindetterin adal oryndaýyn eskere otyryp, qyzmet boıynsha ósý;

3. Ózine qatysty qabyldanǵan sheshimder men áreketterge (áreketsizdikke) joǵary turǵan laýazymdy tulǵalarǵa, sondaı-aq sot tártibimen shaǵymdaný;

4. Ýákiletti laýazymdy tulǵamen kelisý arqyly áskerı oqý oryndaryna túsýge, kýrstyq, kásiptik daıarlyqtan, qaıta daıarlaýdan jáne biliktiligin arttyrýdan ótýge, sondaı-aq áskerı emes mamandyqtar boıynsha tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berý uıymdaryna túsýge;

5. Qaýipsizdik tehnıkasy men gıgıena talaptaryna saı keletin qyzmet jaǵdaılaryna jáne densaýlyqty qorǵaýǵa;

6. Qazaqstan Respýblıkasynyń zańnamasynda aıqyndalǵan tártippen áskerı qyzmet mindetterin oryndaý kezinde ómiri men densaýlyǵyna nemese jeke múlkine keltirilgen zııannyń ótelýine;

7. Jaýyngerlik daıarlyq sabaqtary men jıyndary nemese daǵdarys jaǵdaılaryndaǵy jıyndar kezeńinde kelisimshart boıynsha áskerı qyzmet ótkeretin áskerı qyzmetshilerge kózdelgen kólemde bıýdjet qarajaty esebinen medıtsınalyq qamtamasyz etýge;

8. Áskerı qyzmet mindetterin oryndaý kezinde arnaıy quraldardy, qarý-jaraqty saqtaýǵa, alyp júrýge jáne qoldanýǵa;

9. Óz quqyqtaryn, qyzmettik jáne arnaıy mindetterin aıqyndaıtyn qujattarmen tanysýǵa;

10. Jeke isine engizgenge deıin olardyń qyzmettik isi týraly pikirlermen jáne basqa da qujattarmen, jeke is materıaldarymen (memlekettik qupııa bolyp tabylatyn málimetter bar arnaıy tekserý materıaldaryn qospaǵanda) tanysýǵa, sondaı-aq jeke iske olardyń jazbasha túsiniktemelerin jáne basqa da qujattar men materıaldardy tirkep qosýǵa;

11. Óziniń jáne otbasy músheleriniń derbes derekteriniń qorǵalýyna;

12. Áskerı qyzmet erekshelikterin eskerip, tıisti uıymdyq-tehnıkalyq jáne sanıtarııalyq jaǵdaıǵa;

13. Jaýyngerlik daıarlyq jıyndary nemese daǵdarys jaǵdaılaryndaǵy jıyndar kezinde tamaqpen qamtamasyz etilýge;

14. Jaýyngerlik daıarlyq sabaqtary kezinde túski aspen qamtamasyz etilýge;

15. Qazaqstan Respýblıkasynyń zańnamasynda belgilengen jeńildikterdi, kepildikter men ótemaqylardy qosa alǵanda, óziniń jáne otbasy músheleriniń quqyqtarynyń saqtalýyna.

Aıta keteıik, Qazaqstanda rezervtegi áskerı qyzmet 2025 jyldan bastap engizildi. Bastapqy kezeńde Qorǵanys mınıstrligi elimizdiń barlyq óńirinen shamamen 2 myń rezervısti qabyldaýdy josparlaǵan.

Eske sala keteıik, Májilis rezervtegi áskerı qyzmetke qatysty zańdy qabyldaǵan.

Sonymen qatar elimizde rezervtegi áskerı qyzmetkerler mindetin óteý kezinde olar aılyq jalaqy ala ma? Bul suraqqa QR Qorǵanys mınıstrliginiń ókili jaýap bergen edi.