Qazaqstanda reısterdi keshiktirmeı oryndaıtyn avıakompanııalardyń tizimi jasaldy
ASTANA. QazAqparat - QR Investıtsııalar jáne damý mınıstrligi Azamattyq avıatsııa komıteti Qazaqstanda óz reısin keshiktirmeı oryndaıtyn áýe kompanııalar tizimin jarııalady, dep habarlaıdy QazAqparat tilshisi.
Úzdik úshtikte Ózbekstan, Majarstan jáne Polshanyń áýe jelileri bar.
«2018 jyldyń alǵashqy 6 aıynda Qazaqstanǵa turaqty reıster oryndaıtyn sheteldik áýe kompanııalary arasynda «Wizz Air» áýekompanııasy (Majarstan) - 98% reısterdi ýaqtyly oryndaǵan (barlyǵy 52 reıs oryndaldy), «LOT Polish Airlines» (Polsha) - 97% (86 reıs), «Ózbekstan havo ıolları» (Ózbekstan) - 94% (266 reıs), «Turkish Airlines» (Túrkııa) - 90% (297 reıs) turaqty oryndalǵan», - dep habarlady Azamattyq avıatsııa komıteti.
Atalǵan merzim ishinde 100 reısten artyq oryndaǵan sheteldik áýe kompanııalarynyń arasynda joǵary nátıje kórsetkenderdiń tizimi mynadaı:
«Ózbekstan havo ıolları» (Ózbekstan) - 94% (266 reıs); «Turkish Airlines» (Túrkııa) - 90% (297 reıs); «Sıbır» (Reseı) - 86% (205 reıs); «Air Arabia» (BAÁ) - 80% (165 reıs) jáne «Fly Dubai» (BAÁ) - 76% (307 reıs).
Qazaqstandyq áýe kompanııalary arasynda ushý turaqtylyǵy boıynsha jezqazǵandyq áýe kompanııasy top jardy: «Jezqazǵan-eır» - 100% (51 reıs); «Jetisý» - 100% (11 reıs); «Bek Eır» - 97,8% (5 150 reıs); «ıÝjnoe nebo» - 94,3% (548 reıster); «Eır Astana» - 86,16% (21 657 reıs); «SCAT» áýe kompanııasy - 79,9% (10 446 reıs) jáne «Qazaq Air» - 78% (2 544 reıs).
