Qazaqstanda reıderlik áreketterge jaýapkershilik kúsheıtiledi
«Búgingi talqylaý qorytyndysy boıynsha senatorlar kásipkerler qyzmetine aralasqany úshin laýazym ıelerine jaýapkershilikti kúsheıtýge baǵyttalǵan sharalardy usyndy. Sonymen qatar, bul máseleni birqatar áriptester de kótergen bolatyn. Qazaqstan Respýblıkasy kásipkerleriniń quqyqtaryn qorǵaý jónindegi ýákili Rýstam Júrsinov bul máselege qatysty erekshe toqtaldy. Ákimshilik quqyq buzýshylyq týraly kodekske jáne Qylmystyq kodekske birqatar ózgerister engizý qarastyrylyp otyr», - dedi M. Áshimbaev Qazaqstanda shaǵyn jáne orta kásipkerlikti damytý salasyndaǵy memlekettik saıasatty jáne quqyqtyq retteýdi jetildirý taqyrybyndaǵy Parlamenttik tyńdaýda
Onyń aıtýynsha, bıznestiń qyzmetine zańsyz aralasý, tekserý tártibin buzý, reıderlik sııaqty jaǵdaılarǵa depýtattar zańdy túrde jaýapkershilikti kúsheıtýdi qoldap otyr.
«El Prezıdenti atap ótkendeı, kásipkerlik qyzmetke zańsyz kedergi keltirý memleketke qarsy óte aýyr qylmys retinde baǵalaýyny kerek. Memleket basshysynyń osy nusqaýyn zańnamaǵa birqatar ózgeristermen júzegege asyrýǵa bolady. Barlyq jaýapty memorgandar tyńǵylyqty pysyqtaýy kerek. Senatorlar bul baǵyttaǵy jumysqa daıyn», - dedi Máýlen Áshimbaev.
Budan buryn habarlanǵandaı, Rýstam Júrsinov zańdy kásipkerlik qyzmetke kedergi keltirgeni úshin jaýapkershilikke tartýdyń qylmystyq baby is júzinde jumys istemeı turǵanyn aıtty.