Qazaqstanda Resýrstar týraly ulttyq málimetter banki qurylady
«Qazirgi ýaqytta memleket «Tsıfrlyq Qazaqstan» baǵdarlamasyn qabyldaǵanyn, tsıfrlandyrýdyń jahandyq trendi júrip jatqanyn bilesizder. Ol jer qoınaýyn paıdalaný salasyn da aınalyp óte almaıdy. Bizdiń jer qoınaýy týraly ulttyq málimetter bazasyn qurý ıdeıamyz ózgertilip, oǵan jańa múmkinshilikter tolyqtyrylatyn bolady», - dedi vıtse-mınıstr.
Onyń aıtýynsha, jer qoınaýyn paıdalanýshylar ınteraktıvti kartadan bos ýchaskeler, olardyń zerttelýi týraly aqparattar ala aldy. Sonymen qatar ol sol ýchaskeni ıgerýge nıeti bolsa, onda jer qoınaýyn paıdalaný lıtsenzııasyn elektrondy túrde rásimeıdi.
«Bizde elektrondy úkimetke silteme bar. Demek, jer qoınaýyn paıdalanýshylarǵa lıtsenzııaǵa ótinim berý úshin óte kóp qujattardy jınaýdyń qajeti joq. Elektrondyq úkimette turǵan qujattar avtomatty túrde júıemen engiziledi. Olardy júıeden birden taýyp, qujattardy rásimdeý barysynda anyqtama usynýdyń qajeti joq. Ony memleket óziniń basqa aqparattyq júıelerinen ala alady. bul ınvestordyń áleýetti ýchaskeni zerdeleý jáne lıtsenzııa rásimdeý jumysyn jeńildetedi», - dedi Tımýr Toqtabaev.
Osy rette ol málimetter bankin qurý jumystary osydan birneshe jyl buryn josparlanǵanyn eske saldy.
«Osy jyldyń sońyna deıin júıeni qashyqtan rásimdeý júıesi iske qosylady. Bıýrokrattyq protsedýralarsyz, sheneýnikpen baılanyspaı-aq onlaı rásimdeýge múmkindik týady. Odan ary málimetter bazasyn geologııalyq aqparattarmen tolyqtyrý júrgiziledi», - dedi ol.