Qazaqstanda respýblıkalyq mańyzy bar joldarda 350-den astam kamera ornatyldy
Bul týraly QR Indýstrııa jáne ınfraqurylymdyq damý mınıstrliginiń Telegram kanalynan málim boldy, dep habarlaıdy QazAqparat.
Búginge deıin ınvestor 374 kamera ornatqan. Olar ázirge testi rejıminde jumys istep jatyr. Aqy óndirý júıesi iske qosylǵanda, baǵdarlamalyq-apparattyq keshen avtokóliktiń nómirin, klasyn, qozǵalys jyldamdyǵy men baǵytyn avtomatty túrde anyqtaıtyn bolady. Eger avtokólikte RFID tańbasy ornatylsa, temir tulpardy anyqtaýdyń senimdiligi anaǵurlym artatynyn aıtyp ótken jón. Máselen, bireý jalǵan nómirlermen júrip ótse nemese nómirlik belgi nashar kúıde bolǵan jaǵdaıda, júıe durys anyqtaı almaýy múmkin. Mundaı kúmándi jaǵdaılarda RFID tańbasy kólik ıelerin júris úshin zańsyz tólem óndirýden saqtaıdy.
Beınetirkeýdiń basty mindetteriniń biri – joldardaǵy jyldamdyq rejımin buzý, belgilenbegen jerde toqtaý jáne qarsy baǵyttaǵy qozǵalys jolaǵymen júrý sııaqty jol júrý erejeleriniń buzylýyn tirkeıdi.
2024 jylǵa deıin respýblıkalyq mańyzy bar 11 myń shaqyrym jolda ınvestıtsııalyq joba aıasynda 1000-nan astam kamera ornatylady dep kózdelgen. Olardyń qatarynda tirkeý kameralary, sondaı-aq kadrleý jáne sholý kameralary bolmaq.
