Qazaqstanda respýblıkalyq joldardyń boıynda qyzmet kórsetý salasy qandaı

ASTANA. KAZINFORM - Búginde respýblıkalyq mańyzy bar avtojoldardyń boıynda 1500-ge jýyq jol boıy qyzmetteriniń nysandary jumys isteıdi. Olardyń ishinde shaǵyn dámhanalardan bastap iri kópfýnktsıonaldy keshenderge deıin bar.

QazAvtoJol ulttyq kompanııasynyń dereginshe, jyl saıyn joldardaǵy ınfraqurylymdardyń sany ósip, olardyń sapasy men qyzmet kórsetýi artýda. 

Joldardyń mańyzdy ýchaskelerinde jolaýshylar men júrgizýshilerdiń qolaıly ári qaýipsiz demalýyna arnalǵan iri nysandar boı kóterip jatyr. Olardyń ishinde:

• Zamanaýı jabdyqtalǵan avtojanarmaı quıý beketteri;
• Tolyqqandy tamaqtanýǵa arnalǵan kafeler men ashanalar;
• Júrgizýshiler men jolaýshylarǵa arnalǵan qonaq úı bólmeleri men demalys aımaqtary;
• Jeńil jáne júk kólikterine arnalǵan keń avtoturaqtar;
• Taza sanıtarlyq toraptar, sonyń ishinde ájethanalar men dýsh kabınalary;
• Múmkindigi shekteýli jandarǵa arnalǵan ınfraqurylym.

- Mundaı keshender jaı ǵana aıaldama emes, bul - janarmaı quıyp, tamaqtanyp, demalyp, tazalanyp, joldy ári qaraı qaýipsiz jalǵastyrýǵa múmkindik beretin tolyqqandy servıs habtary, - dep jazylǵan aqparatta.

QazAvtoJol osyndaı nysandardyń jelisin jyl saıyn arttyryp, tazalyqqa, qoljetimdilikke jáne standarttarǵa saı bolýǵa erekshe mán berip keledi. Jańa keshender joldaǵy kólik qozǵalysy eń tyǵyz ýchaskelerde ashylýda. Bul kez kelgen júrgizýshi, júk tasymaldaýshy bolsyn, saıahatta júrgen otbasy bolsyn, olarǵa jolda sapaly servıske senim arta alatyndaı jaǵdaı jasaýǵa baǵyttalǵan.

Aıta keteıik, bıyl joldardy jóndeýge 781 mıllıard teńge qarastyrylǵan.