Qazaqstanda respýblıkalyq orfografııalyq komıssııa qurylady
ASTANA. KAZINFORM – Til saıasaty komıteti «QR Ǵylym jáne joǵary bilim mınıstrliginiń keıbir máseleleri týraly» Úkimet qaýlysynyń jobasyn ázirledi.
QR Ǵylym jáne joǵary bilim mınıstrligi týraly ereje «respýblıkalyq orfografııalyq komıssııa qurý jáne onyń qyzmetin qamtamasyz etý» tarmaqshasymen tolyqtyrylady. Komıtet ǵylymı negizdelgen nusqada qazaq tiliniń orfografııasyn ázirleý jáne bekitý úshin arnaıy orfografııalyq komıssııa qurý qajet ekenin alǵa tartyp otyr. Sebebi, qazirgi kezeńde qazaq tiliniń orfografııasyn júıeleý asa mańyzdy másele bolyp tabylady.
– Bul mindet QR Úkimetiniń 2023 jylǵy 16 qazandaǵy qaýlysymen bekitilgen QR-da til saıasatyn damytýdyń 2023-2029 jyldarǵa arnalǵan tujyrymdamasynyń 3-bóliminde kózdelgen, - delingen negizdemede.
Qujatqa sáıkes, jańa komıssııanyń jumysyna múddeli memlekettik organdardyń ókilderi men ǵalymdar tartylady.
Qujat 23 shildege deıin jarııa talqylaý úshin «Ashyq NQA» saıtynda ornalastyrylǵan.
