Qazaqstanda resmı tirkelgen 9 myńǵa jýyq úkimettik emes uıymdardyń tek 1 myńy ǵana turaqty jumys isteıdi - A.Soloveva

ASTANA. Shildeniń 23-i. QazAqparat /Gúlmıra Álıakparova/ - Qazaqstanda resmı tirkelgen 9 myńǵa jýyq úkimettik emes uıymdardyń tek 1 myńy ǵana turaqty jumys isteıdi. Bul týraly búgin Astanada bastalǵan úkimettik emes uıymdardyń beıresmı konferentsııasynda Qazaqstannyń Azamattyq alıansynyń prezıdenti, QR Parlamenti Májilisiniń depýtaty Aıgúl Soloveva aıtty.

«Statıstıkalyq málimetter boıynsha, elde 35 myńǵa jýyq qarjylyq emes uıymdar tirkelgen. Olardyń quramyna notarıaldyq keńseler, advokatýralar, memlekettik kommertsııalyq emes uıymdar jáne taǵy basqalar kiredi. Al tek qana áleýmettik máselelermen aınalysatyndary - 9 myńǵa jýyq. Solardyń ishinde turaqty túrde jumys isteıtini tek bir myńy ǵana. Bizdiń qazirgi maqsatymyz ÚEU-lardyń qyzmetin ómirsheń etý. Bul máseleni Azamattyq qoǵamdy damytýdyń 2012-2015 jyldarǵa arnalǵan tujyrymdamasynda egjeı-tegjeıli jazyp, kórsetýdi qarastyryp otyrmyz», - dedi ol.

Al Qazaqstannyń Azamattyq alıansynyń atqarýshy dırektory Alına Hamatdınovanyń sózine qaraǵanda, turaqty túrde jumys isteıtin ÚEU-lardyń arasynda jastar uıymdarynyń belsendiligi joǵary.