Qazaqstanda reseılik telearnalardyń retranslıatsııasy jalǵasady
ASTANA. QazAqparat - Qazaqstan aýmaǵynda «NTV-Mır», «RTR Planeta», «Rossııa 24», «Rossııa Kýltýra» telearnalarynyń retranslıatsııasy jalǵasady, dep habarlaıdy «QazAqparat» HAA tilshisi QR Aqparat jáne kommýnıkatsııalar mınıstrliginiń baspasóz qyzmetine silteme jasap.
«Qazaqstan Respýblıkasy Aqparat jáne kommýnıkatsııalar mınıstrligi men Reseı Federatsııasy Baılanys jáne buqaralyq kommýnıkatsııalar mınıstrligi basshylyqtarynyń arasynda júrgizilgen kelissózder nátıjesinde 2018 jyldyń 1 naýryzyna deıin qazaqstandyq telehabar taratý kabeldik operatorlary úshin «NTV-Mır», «RTR Planeta», «Rossııa 24», «Rossııa Kýltýra» telearnalarynyń qoldanystaǵy lıtsenzııalyq qunyn saqtaý týraly kelisim jasaldy. Osyǵan baılanysty, Qazaqstan Respýblıkasy aýmaǵynda atalǵan reseılik telearnalardyń retranslıatsııasy jalǵasady», - delingen vedomstvonyń habarlamasynda.
2018 jyldyń basynda eki eldiń arasyndaǵy teleradıo habar taratý salasyndaǵy yntymaqtastyqtyń barlyq aspektileri talqylanatyn kelissózder júrgiziledi, dep atap ótti mınıstrlikte.
