Qazaqstanda reprodýktıvti densaýlyq máseleleri boıynsha tegin keńes beretin telefon jelisi jumys isteı bastady

Jeliniń 9898 nómirine Kcell jáne Activ abonentteri úshin qońyraý shalý - tegin.

Búgin ótken baspasóz máslıhatynda «Qazaqstannyń isker áıelder qaýymdastyǵy» RQB-nyń prezıdenti Raýshan Sársenbaeva atap kórsetkendeı, telefon jelisinde tańerteńgi saǵat 8-den keshki 8-ge deıin otyratyn arnaıy daıyndalǵan tórt operator, otbasyn josparlaý, jastar men jasóspirimder arasynda jasandy túsikterdi azaıtý, olarǵa adamgershilik-jynystyq tárbıe berý, jynystyq jolmen beriletin ınfektsııalardyń aldyn alý jáne taǵy da ózge suraqtar boıynsha keńester beretin bolady.

2011-2015 jyldarǵa arnalǵan «Salamatty Qazaqstan» memlekettik baǵdarlamasy aıasynda júzege asyrylyp otyrǵan joba bir jyl boıy jumys istemek.