Qazaqstanda raqymshylyqqa ilingenderdi bosatý jumystary aıaqtalyp qaldy
ASTANA. KAZINFORM — Іshki ister mınıstriniń orynbasary Sanjar Ádilov Konstıtýtsııanyń 30 jyldyǵyna oraı jarııalanǵan raqymshylyqqa ilingenderdi bosatý jumystary aıaqtalyp qalǵanyn aıtty.
— Raqymshylyq is-sharalary aıaqtalyp qaldy. Qamaýda otyrǵandar bosatyldy, sondaı-aq raqymshylyq aıasynda aýyr emes qylmys jáne materıaldyq zalal keltirmegen aýyrlyǵy ortasha qylmys úshin qylmystyq qýdalaý boıynsha qamtylǵandarǵa da qatysty boldy. Tolyq aqparatty Іshki ister mınıstrliginiń baspasóz qyzmeti jarııalaıdy, — dedi Sanjar Ádilov Parlament Májilisinde tilshiler suraǵyna jaýap bere otyryp.
Onyń aıtýynsha, qamaýdan bosatylǵandarǵa qatysty mindetti túrde probatsııalyq qadaǵalaý bolady.
Aıta ketsek, 2025 jylǵy 23 maýsymda Prezıdent raqymshylyq týraly zańǵa qol qoıdy.
Buǵan deıin Parlament Májilisinde raqymshylyq jasaý týraly zań jobasyn talqylaý kezinde bosatylatyn adamdardyń sany belgili boldy.