Qazaqstanda radıkaldy salafıttik baǵytty ustanǵan 24 jamaǵat bar
ASTANA. 20 aqpan. QazAqparat - Lańkestikke qarsy zańnamaǵa engizilgen jańa túzetýlerdiń arqasynda memlekettik organdardyń lańkestiktiń aldyn alý jónindegi is-qımyldary kúsheıtiletin bolady,
dep habarlady QR Prezıdenti janyndaǵy Ortalyq kommýnıkatsııalar qyzmeti.
Jańadan engizilip otyrǵan zańnamalyq normalarǵa sáıkes lańkestiktiń aldyn alý baǵyttary kúsheıtilýde. ıAǵnı, lańkestiktiń paıda bolýyna jáne taralýyna negiz bolatyn sebepter men jaǵdaılardy anyqtaý, olardy zertteý jáne joıý jumystary kúsheıtilýde.
Qoǵamda lańkestiktiń qaýip-qateri, aýqymy jáne onyń ıdeologııalary boıynsha buqaramen aǵartýshylyq jumystar júrgizý qajettiligi artyp keledi.
«Lańkestikke qarsy kúres degenimiz tek kúsh-qýat sharalary ǵana emes, onyń sebepterimen jáne faktorlarymen de kúresý», - deıdi UQK tóraǵasynyń orynbasary Qabdylkárim Ábdiqazymov.
Astana, Almaty qalalarynda, oblystarda jáne oblystyq mańyzdaǵy qalalarda qurylyp jatqan lańkestikke qarsy komıssııalar deńgeıinde aǵymdaǵy jyldyń basynan bastap profılaktıkalyq jumystar júrgizilýde. Bul komıssııalardyń jumystaryna qoǵamdyq uıymdar, dinı birlestikter men buqaralyq aqparat quraldar tartylady.
Qazaqstandyqtarǵa lańkestiktiń qaýip-qaterleri túsindiriledi, lańkester óz ıdeıalary men kózqarastaryn nasıhattaıtyn ádister men tásilder áshkerelenedi. Bul baǵyttaǵy jumys barysynda qoǵamda lańkestikke qarsy sana-sezim qalyptastyrý, lańkestikke qarsy is-qımylmen aınalysatyn memlekettik organdardyń kúsh-jigerlerin biriktirýdiń mańyzy zor.
UQK málimetteri boıynsha, qazirgi tańda elimizde 495 adam kiretin jáne radıkaldyq salafıttik baǵytty ustanǵan 24 jamaǵat bar.
Sondyqtan da aqparattyq jumystarmen qatar áleýmettik-ekonomıkalyq problemalardy da sheshý kerek, sonda ǵana lańkestikti qoldaýshy áleýmettik baza qysqarady. «Biz júrgizetin profılaktıkalyq jumys halyqaralyq lańkestik jáne dinı-ekstremıstik uıymdar nasıhattaıtyn radıkaldyq ıdeologııaǵa qarsy salmaq bolýy kerek», - delingen Ulttyq qaýipsizdik komıtetiniń habarlamasynda.
