Qazaqstanda iri eksporttaýshylardyń qyzmetin qadaǵalaý kúsheıtilmek

Búgin Májiliste «Qazaqstan Respýblıkasynyń keıbir zańnamalyq aktilerine transferttik baǵa belgileý máseleleri boıynsha ózgerister men tolyqtyrýlar engizý týraly» zań jobasy tanystyryldy, dep habarlaıdy Kazinform.

Qarjy vıtse-mınıstri Erjan Birjanovtiń aıtýynsha, 2008 jyldan bastap bul zańnamaǵa kontseptýaldy ózgerister engizilmegen edi, ıaǵnı 15 jyldaı eleýli ózgeris bolmady. 2017 jyly redaktsııalyq túrde birshama túzetý bolǵan.

«Bul zańnama Qazaqstannan shyqqan bastapqy eksporttyq taýarlardyń qanshalyqty naryqtyq baǵamen shyǵyp jatqanyn qadaǵalaýǵa baǵyttalǵan. ıAǵnı osy turǵyda bul eksporttan salyqtyń tolyqqandy túsýi máselesin retteıdi. Sondyqtan búgingi tanystyrylǵan zań jobasy aıasynda kontseptýaldy ózgerister engizilip jatyr», - dedi vıtse-mınıstr.

Onyń sózine qaraǵanda, tıisti túzetýlerdi qamtyp turǵan osy zań qabyldansa, bıýdjetke qosymsha salyq túsedi.

«Atap aıtqanda, osyǵan deıin munaı, metall jáne basqa da taýarlardy shyǵaratyn kompanııalar túrli shemalardy qoldanyp kelgen edi. Olardy tekserý kezinde anyqtalǵan derekterdi eskere otyryp, tıisti ózgeristerdi engizip jatyrmyz. Bul zań jobasynyń normalary qarapaıym adamdarǵa, shaǵyn jáne orta bızneske eshqandaı áser etpeıdi. Ózgerister eksportqa baǵdarlanǵan alpaýyt mekemelerge arnalǵan. Solardyń eksportqa shyǵarǵan taýarlary boıynsha naqty salyqty óndirip alýǵa baǵyttalǵan», - dedi E. Birjanov.