Qazaqstanda QR-kody bar týrıstik kartalar engizildi
ASTANA. KAZINFORM – Sheteldikter Qazaqstanǵa kelgende QR-kody bar týrıstik karta alady, sondaı-aq osyndaı kartalar shekaralyq baqylaýdan ótkende beriledi.
QR Іshki ister mınıstirliginiń habarlaýynsha, bul kartalar týrısterdiń qaýipsizdigin qamtamasyz etý jáne týrıstik ınfraqurylymdy jetildirý baǵytyndaǵy keshendi sharalardyń bir bóligi.
Búgingi tańda kartalar Astana men Almatynyń halyqaralyq áýejaılarynda jáne Túrkistan oblysyndaǵy «Qaplanbek» shekara beketinde beriledi.
Sonymen qatar sheteldikterge yńǵaıly bolýy úshin safetravel.kz saıty iske qosyldy.
QR-kod arqyly neni izdep tabýǵa bolady:
· polıtsııamen shuǵyl habarlasý úshin «102» (SOS qyzmeti bar) qosymshasyn ornatý jolyn;
· tirkeý men mıgratsııalyq baqylaý boıynsha jadynama;
· taksı servısteri men joldyń baǵasyna deıin kórsetiletin qosymshalar;
· uıaly operatorlar men SIM-kartalardyń baǵasy;
-Bul bastama óziniń tıimdiligin kórsetip, árbir týrıske Qazaqstanda ózin qaýipsiz sezinip, senimdi bolýyna kómektesti, -dedi QR ІІM ókilderi.
Osyǵan deıin mınıstrlik týrızm salasyna arnalǵan tsıfrlyq statıstıka júıesin engizgeli jatqanyn habarladyq.