Qazaqstanda PTR-testileý quny arzandaı ma

NUR-SULTAN. QazAqparat - QR Densaýlyq saqtaý mınıstrliginiń resmı ókili Baǵdat Qojahmetov PTR-testileýdiń qunyn tómendetýge qatysty pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda PTR-testilerdiń qunyn tómendetýge qatysty Prezıdent tapsyrmasynyń oryndalýy týrasynda suraq qoıyldy.

«Memleket basshysy tıisti tapsyrmany berdi. Bul mindet tek Densaýlyq saqtaý mınıstrligine ǵana emes, sonymen qatar barsha Úkimetke júkteldi. Atap aıtqanda, bul másele jalǵyz densaýlyq saqtaý júıesiniń múmkindigimen sheshýge kelmeıdi», - dedi B. Qojahmetov.

Sonymen qatar, Prezıdenttiń tapsyrmasy oryndalatynyn atap ótti.

«Árıne, Memleket basshysynyń tapsyramasy oryndalady. Meniń oıymsha, kelesi baspasóz máslıhatynda osy máseleni sheshý úshin qabyldanǵan sharalar týraly habarlaımyz», - dedi resmı ókil.