Qazaqstanda psıhologııalyq qyzmet týraly arnaıy zań ázirlenip jatyr

ASTANA. KAZINFORM — Elimizde psıhologııalyq kómekke qatysty jańa zań qabyldanady. Bul týraly Májilis depýtaty Ashat Aımaǵambetov málim etti.

школьный психолог, преподаватель, дети
Фото: freepik.com

— Mektepte balalarmen jumys isteıtin psıhologtar men psıhologııalyq qyzmetke qatysty bizdiń depýtattar saýalyn da joldady. Olardyń jalaqy máselesi de kóterildi. Kadr daıarlaýda da problema barshylyq. Kadr jetispeýshiligi, qalaı daıarlap jatyrmyz bul mańyzdy. Qazir psıhologııalyq qyzmet kórsetetin ortalyqtar ashylyp, jumys istep jatyr, biraq onyń tıimdiligine qatysty máseleler bar. Biz psıhologııalyq qyzmet baǵytynda zań jobasyn daıyndaýǵa kiristik, — dedi Ashat Aımaǵambetov Májilistiń komıtet otyrysynda. 

Halyq qalaýlysynyń aıtýynsha, qazir jańa jobasy boıynsha jumys júrip jatyr. 

Májilis depýtaty Aına Mysyrálimovanyń aıtýynsha, elimizde psıhologııalyq qyzmetke qatysty birqatar shara bar, atqarylyp jatyr, biraq jetkiliksiz.

— Prezıdenttiń 2023 jylǵy Qazaqstan halqyna Joldaýynda jáne «AMANAT» partııasynyń saılaý aldy baǵdarlamasynda qazaqstandyqtardyń densaýlyǵyn qamtamasyz etý máselelerine úlken mán beriledi. Óskeleń urpaqtyń psıhıkalyq densaýlyǵynyń psıhologııalyq qoldaý qyzmetterin qurýdyń mańyzdylyǵy atap ótiledi. Osy tapsyrmalar aıasynda biraz jumys atqarylýda. Segizinshi shaqyrylymdaǵy kóptegen zań jobasy halyqtyń belgili bir sanatyn psıhologııalyq qoldaýǵa baılanysty máselelerdi sheshýdi kórsetti. Bul balalyq shaq pen anany qorǵaý, turmystyq zorlyq-zombylyq pen býllıngpen kúres, lýdomanııa, halyqty áleýmettik qorǵaý máselelerine qatysty zań jobalary boldy. Búginde «AMANAT» partııasy «Psıhologııalyq kómek týraly» zań jobasyn ázirleýde, — deıdi depýtat.

Buǵan deıin Májilis depýtaty Ashat Aımaǵambetov aıtýynsha elimizde psıhologııalyq qyzmet kórsetýdiń tıisti normalary bar, biraq ol shashyrańqy ekenin aıtqan edi

Aıta keteıik, elimizde minez–qulqy psıhıkalyq buzylǵan (aýytqýy bar) 20 4408 adam bar. Onyń ishinde 44 781 kámelet jasyna tolmaǵan balalar men jasóspirimder.

Sondaı-aq psıhıkalyq aýytqýy bar adam qandaı jaǵdaıda májbúrlep emdeýge jiberiletini týraly jazǵan edik. 

Сейчас читают