Qazaqstanda psıhıatrııalyq uıymdardyń qyzmeti týraly erejesine ózgerister engizildi
Qazaqstan Respýblıkasynyń Densaýlyq saqtaý jáne áleýmettik damý mınıstrliginiń buıryǵy №852
2015 jylǵy 4 qarasha Astana qalasy
«Qazaqstan Respýblıkasyndaǵy psıhıatrııalyq uıymdardyń qyzmeti týraly erejeni bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 6 qańtardaǵy № 15 buıryǵyna ózgerister engizý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 32-babynyń 3-tarmaǵyna sáıkes buıyramyn:
1. «Qazaqstan Respýblıkasyndaǵy psıhıatrııalyq uıymdardyń qyzmeti týraly erejeni bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 6 qańtardaǵy №15 buıryǵyna (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 6776 bolyp tirkelgen) mynadaı ózgerister engizilsin:
kórsetilgen buıryqpen bekitilgen Qazaqstan Respýblıkasyndaǵy psıhıatrııalyq uıymdardyń qyzmeti týraly erejesine mynadaı ózgerister engizilsin:
11-tarmaqtyń 1) jáne 2) tarmaqshalary mynadaı redaktsııada jazylsyn:
1) mindetti bólimshelerden basqa, psıhıatrııalyq aýrýhanalarǵa:
statsıonarlyq klınıkalyq bólimsheler: jalpy psıhıatrııalyq, psıhoterapııalyq, psıhosomatıkalyq, gerontologııalyq, balalar, mamandandyrylǵan (psıhotýberkýlezdi), sot-psıhıatrııalyq saraptamasy bólimshesi, májbúrlep emdeýge arnalǵan bólimshe;
qarqyndy terapııa palatasy; emdeý-eńbek sheberhanasy; ambýlatorııalyq-emhanalyq bólimshe;
óńirlik qajettiligine qaraı ambýlatorııalyq-psıhıatrııalyq saraptama bólimi (bólimshesi);
statsıonardy almastyratyn bólimsheler: kúndizgi statsıonar, túngi statsıonarlar,mýltıtártiptik brıgadalar;
uıymdastyrý-ádistemelik nemese statıstıkalyq bólim (kabınet);
jedel mamandandyrylǵan psıhıatrııalyq kómek kiredi.
2) mindetti bólimshelerden basqa, psıhıatrııalyq (psıhonevrologııalyq) dıspanserlerge:
ambýlatorııalyq-emhanalyq bólimshe;
statsıonardy almastyratyn bólimsheler: kúndizgi statsıonarlar, túngi statsıonarlar, mýltıtártiptik brıgadalar;
ambýlatorııalyq-psıhıatrııalyq saraptama bólimi (bólimshesi), óńirlik qajettiligine qaraı;
májbúrlep emdeýge arnalǵan bólimshe;
uıymdastyrý-ádistemelik nemese statıstıkalyq bólim (kabınet);
óńirlik qajettiligine qaraı jedel mamandandyrylǵan psıhıatrııalyq kómek kiredi;»;
16-tarmaqtyń 5) tarmaqshasy mynadaı redaktsııada jazylsyn:
«5) besinshi top (belsendi dınamıkalyq baıqaý toby) - áleýmettik-qaýipti áreketterge beıim, onyń ishinde kámelettik jasqa tolmaǵandarǵa qatysty seksýaldyq sıpattaǵy zorlyq áreketterin jasaý qaýpi bar patsıentter, sondaı-aq joǵary sýıtsıdtik qaýipteri bar adamdar. Qarap-tekserý jıiligi aı saıyn (kórsetilimderi bolǵan jaǵdaıda - jıi).».
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medıtsınalyq kómekti uıymdastyrý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdik baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúniniń ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetti usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıtse-mınıstri A.V. Tsoıǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA.
Buıryq Qazaqstan Respýblıkasynyń Ádilet mınıstrliginde 2015 jylǵy 10 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12379 bolyp engizildi.