Qazaqstanda prezıdent saılaýy birqalypty ótýde - Bolgarııa baqylaýshysy
ASTANA. QazAqparat - Qazaqstanda prezıdent saılaýy birqalypty ótýde, dep sanaıdy Qazaqstandaǵy kezekten tys prezıdenttik saılaýǵa halyqaralyq baqylaýshy retinde tirkelgen bolgarııalyq delegatsııanyń ókili, Bolgarııa Parlamentiniń depýtaty Chetın Kazak.
«Búgin biz birneshe ýchaskede boldyq. Bizdiń oıymyzsha, saılaý úderisi óte qalypty ótip jatyr. Daýys berýge kelgen halyq óte kóp. Barlyǵy uıymdasqan jaǵdaıda ótýde, biz eshqandaı túıtkil anyqtaǵan joqpyz. Jastar jaǵy basym. Bolgarııada jastar saıası turǵyda belsendi emes, munda kerisinshe, Qazaqstan jastarynyń saıası úderiske qatysý belsendiligi óte joǵary. Bul óte jaqsy belgi. Qazaqstan halqy durys sheshim qabyldaıtynyna senim bildiremiz», - dep atap ótti ol búgin Astanada ótken brıfıngte.
