Qazaqstanda preparattar eýropalyq deńgeıde baqylanady
ALMATY. Qazannyń 21-i. QazAqparat /Erbol Turymbetov/ - Qazaqstanda medıtsınalyq bıopreparattar zańmen eýropalyq dárejede qadaǵalanady jáne barlyq eýropalyq ustanymdar boıynsha jumystar júrgiziledi. Bul týraly Eýropa medıtsına qaýymdastyǵynyń sarapshysy, Eýroodaqtyń bıotehnologııalyq dári-dármekter jónindegi jetekshi mamany Hýbertýs Shellekens Almatyda ótken baspasóz máslıhatynda málimdedi.
Keshe QR Densaýlyq saqtaý mınıstrligi jáne QR Retteýshi organdary ókilderimen kezdesken eýropalyq maman elimiz medıtsına salasyndaǵy bıopreparattarǵa saraptamalardy dál Eýropa elderindegideı júrgizetindigine kóz jetkizgendigin atap ótti. «Men Eýropada retteýshi organdarda qyzmet etemin jáne bıologııalyq preparattar qaýipsizdigine, onyń ishinde bıosımılıarlarǵa qatysty máselelermen aınalysamyn. Árıne, Qazaqstanda barlyq jaǵdaılar keremet jasalǵan dep aıta almaımyn. Sheshimin tappaǵan kúrdeli suraqtar kezdesedi. Degenmen, ondaı máseleler Eýropa elderinde de bar», - deıdi ol.
Onyń aıtýynsha, bıosımılıarlar aǵzadaǵy ár túrli faktorlarmen baılanysqa túskende jaǵymsyz áserge ulasýy múmkin. «Bıosımılıarlardyń kópshiligi adam aǵzasynda antıdene týdyrady. Biraq, kóp jaǵdaıda qaýipsiz, sebebi olar denege taralyp, sińip ketedi. Alaıda bul úlken táýekeldilik. Sondyqtan, olardy qoldanýda meılinshe saq bolý qajet», deıdi H. Shellenks.
Medıtsına ǵylymdarynyń doktory Hýbertýs Shellekens joǵaryda atalǵan qazmetterimen qatar, Nıderlandynyń Ýtreht ýnıversıteti ınnovatsııalyq zertteýler jáne medıtsınalyq bıotehnologııalary farmatsevtıkalyq ǵylymdary departamentiniń professory. Ol sondaı-aq, bıologııalyq preparattar men bıosımılıarlardyń eýropalyq zańnamasynyń negizin qalaýshy bolyp tabylady.
Eýroodaqta bıossımılıarlar túsinigi 2001 jyly engizilgen bolatyn. Soǵan saı, Eýropa elderinde emdelýshiler úshin oryn alatyn birqatar táýekeldilikterdiń tirkelýine baılanysty zańdylyqtar qalyptasqan.
